ԵՐԵՎԱՆ, 13 օգոստոսի — Sputnik. Օգոստոսի 12-ին մեքենան մխրճվել է մի խումբ ցուցարարների մեջ, որոնք ամերիկյան Վիրջինիա նահանգի Շարլոտսվիլ քաղաքում երկու օր շարունակ հանդես էին գալիս աջ ծայրահեղականների ակցիանների դեմ:
Բախման արդյունքում մահացել է 32-ամյա կին: 25 մարդ ստացել է վիրավորում: Մահացել են նաև երկու ոստիկան, որոնց ուղղաթիռը կործանվել է ճանապարհին:
Ինչպես հայտնում են ամերիկյան ԶԼՄ-ը, մեքենայի վարորդը մեղադրվում է երկրորդ կարգի սպանության գործելու մեջ:
«Կալանավորը մեղադրվում է երկրորդ կարգի սպանության գործելու մեջ, ինչպես նաև մարմնական վնասներ պատճառելու և մեքենան չկանգնեցնելու մեջ, ինչը ճանապարհային պատահարի պատճառ է դարձել», — ասվում է ոստիկանության հաղորդման մեջ:
Զանգվածային անկարգությունների, հարձակման և զենք կրելու համար ձերբակալվել է նաև երեք տղամարդ:
Սպիտակ ազգայնականների և հակառակորդների բախման արդյունքում ԱՄՆ-ի Վիրջինիա նահանգում արտակարգ դրություն է հայտարարված:
