Շաբաթվա մարդիկ. Հայոց հողի հայ շինարար

Արա Կարապետյան (վարժապետ)

1991թ.-ին ավարտել է Խ. Աբովյանի անվան մանակավարժական ինստիտուտի բանասիրության բաժինը: Մինչև 2005 թ.-ը զբաղվել է մանկավարժությամբ: Շուրջ 12 տարի է, ինչ շինարար է՝ զբաղվում է շենքերի ջրահեռացման համակարգերով:

-Երբ փոքր էի ցանկանում էի եկեղեցական դառնալ, իսկ ապագայում կցանկանամ կրոններ ուսումնասիրել:

Արայիկ Մանուչարյան

Շուրջ 8 տարի է, ինչ շինարար է: Դրանից առաջ զբաղվել է կոշկակարությամբ:

-Երբ փոքր էի, առանձնապես ձգտումներ չունեի:

Շատ է սիրում իր գործն ու ապագայում չի ցանկանում ուրիշ բանով զբաղվել, քանի որ հենց այստեղ է, որ իրեն ազատ է զգում:

Գարիկ Մխոյան

Ժամանակին եղել է կահույքագործ, բայց մոտ 3 տարի է լամինատ է կպցնում:

- Չեմ էլ հիշում, թե փոքր ժամանակ ինչ եմ ցանկացել դառնալ:

Ապագայում ցանկանում է միրգ- բանջարեղենի բիզնես ունենալ:

Ռազմիկ Սահակյան

30 տարի է աշխատում է ծեփագործ:

-Երբ փոքր էի երազում էի օդաչու լինելու մասին ու պագայում շատ կուզենայի ինչ- որ մի օր ցանկաությունս ի կատար ածվեր:

Գեղամ Կարապետյան

1980 թ-ին ավարտել է Չելյբինսկի ավիատեխնիկական ուսումնարանը: Մինչև 1989թ աշխատել է որպես բորտ մեխանիկ: 2004 թ-ից աշխատում է կռունկավար:

-Փոքրուց երազել եմ լինել օդաչու:

Ապագայում ցանկանում է զբաղվել 3 թոռների դաստիարակությամբ:

Դանիելով Տարաս

Շուրջ 14 տարի է զբաղվում է շենքերի երեսպատումով:

-10 տարեկանից սկսել եմ աշխատել: Այնպես որ, չեմ հասցրել երազել ինչ- որ մի բան դառնալու մասին:

Ապագայում ցանկանում է փոքր բիզնես ունենալ:

Մակարյան Տիգրան

1995 թ-ին ավարտել է Հայկական բաց համալսարանի իրավագիտության ֆակուլտետը: 5 տարի է, ինչ զբաղվում է շենքերի երեսպատման աշխատանքներով: Մինչ այդ դասավանադել է, կինոլոգ է:

-Երբ փոքր էի, ցանկանում էի զինվորական դառնալ: 1988 թ-ի շարժումը որ սկսվեց, ծնողներս թույլ չտվեցին:

Ապագայում ցանկանում է, անկախ ամեն ինչից, ստաբիլ աշխատանք ունենալ: