ԵՐԵՎԱՆ, 10 օգոստոսի — Sputnik. Հունահռոմեական ըմբշամարտի Հայաստանի ազգային հավաքականի գլխավոր մարզիչ Լևոն Ջուլֆալակյանը հրապարակել է աշխարհի առաջնություն մեկնող թիմի կազմը: Այս մասին տեղեկացնում է ՀՀ ՀԱՕԿ մամուլի ծառայությունից։
Տարվա գլխավոր ստուգատեսին կմասնակցեն՝ Վազգեն Խաչատրյանը (59 կգ քաշային կարգ), Կարեն Ասլանյանը (66 կգ), Վարշամ Բորանյանը (71 կգ), Կարապետ Չալյանը (75 կգ), Մաքսիմ Մանուկյանը (80 կգ), Արթուր Շահինյանը (85 կգ), եւ Արթուր Ալեքսանյանը (98 կգ):
Հայաստանը ներկայացուցիչ չի ունենա միայն գերծանր քաշային կարգում:
Աշխարհի առաջնությունը կկայանա օգոստոսի 21-26-ը Փարիզում:
