ԵՐԵՎԱՆ, 10 օգոստոսի — Sputnik. Ոստիկանության ստորաբաժանումների ձեռնարկած միջոցառումների արդյունքում 3 օրում հանրապետության տարածքում հայտնաբերվել և այրման միջոցով ոչնչացվել է 7667 կգ կանեփի և 13,5 կգ կակաչի վայրի աճած կանաչ զանգված, հայտնում է ոստիկանության պաշտոնական կայքը:
Տնամերձ 9 հողամասերից հայտնաբերվել է 73.5 կգ կանեփի 980 բույս:
Ստացված օպերատիվ տեղեկությունների իրացման արդյունքում ապօրինի շրջանառությունից առգրավվել է 533.45 գրամ «մարիխուանա», 0.5 գրամ «կրիստալ» և «դեզոմորֆին» տեսակի թմրամիջոցներ:
Կատարված բացատրական աշխատանքների շնորհիվ կամավոր հանձնվել է 5 նռնակ, 6 հրազեն, տարբեր տրամաչափի 1464 փամփուշտ:
Միջոցառման շրջանակներում ձեռնարկված միջոցառումների արդյունքում հայտնաբերվել է 9 հետախուզվող:
