ԵՐԵՎԱՆ, օգոստոսի 9 – Sputnik. Նոր միջազգային «Ты супер! Танцы» մրցույթի վարողը կդառնա Ռուսաստանի վաստակավոր արտիստ, դերասան և հաղորդավար Ալեքսանդր Օլեշկոն, հայտնում են մրցույթի կազմակերպիչները։ Վադիմ Տաքմենևը կմնա «Ты супер!» ծրագրի վարողը, որի երկրորդ եթերաշրջանը կսկսվի հաջորդ տարի։
«Ты супер! Танцы» եզակի նախագիծը կօգնի առանց ծնողական խնամքի մնաց երեխաներին առաջին քայլելը կատարել պարային աշխարհում։ Նախագծի վարողը հատուկ նպատակներ ունի։ Օլեշկոն ոչ միայն տաղանդների շոու կվարի, այլ նաև կօգնի փոքրիկ մասնակիցներին հաղթահարել հուզմունքն ու կաջակցի նրանց բեմում։
«Երեխանների հետ և երեխանների համար երջանիկ աշխատանքը ուղեկցում է ինձ տարբեր նախագծերում, ֆիլմերում և հեռուստածրագրերում։ «Ты супер! Танцы»-ը ՆՏՎ–ի եզակի ծրագիրն է, որին, անպայման, ուզում ես մասնակից լինել։ Լինելով երկար տարիներ տարբեր ձևաչափի հաղորդումների վարող, ես միշտ փորձել եմ պաշտպան, հենարան և ընկեր դառնալ մասնակիցների, նամանավանդ՝ երեխանների համար»,– ասել է Օլեշկոն։
Դերասանը պատմել է, որ երեխա ժամանակ պարապել է ամենատարբեր ակումբներում, նաև պարել է։ Որոշ ժամանակ հանդես է եկել մանկական «ԺՈԿ» պարի համույթում։
«Հենց այդ պատճառով ես գիտեմ, թե որքան կարևոր են բարի խոսքերը և աջակցությունը։ Ուզում եմ, որպեսզի մեր պատանի պարողները բացվեն, ցույց տան այն ամենն, ինչ նրանք կարող են։ Նրանցից ամեն մեկը լավագույնն է»,– ասել է Օլեշկոն։
Հիշեցնենք, որ նախագիծը սկիզբ կառնի արդեն այս տարվա սեպտեմբերին։ Մոտ ապագայում գրեթե 140 պատանի պարող կցուցադրի իր կարողությունները և կապացուցի, որ պարել կարող է յուրաքանչյուրը։
«Ты супер! Танцы» միջազգային մրցույթը, որը կանցկացնեն ՆՏՎ հեռուստաընկերությունը և Sputnik միջազգային լրատվական կայքը և ռադիոն, կմիավորեն Ռուսաստանի, ԱՊՀ և Բալթյան երկրների երեխաններին՝ հնարավորություն ընձեռելով նրանց իրականացնել երազանքը։ Հայաստանը մրցույթում կներկայացնի պարային զույգ Գյումրիից` Աստղիկ Մխիթարյանը և Դավիթ Այվազյանը։
