ԵՐԵՎԱՆ, 8 օգոստոսի — Sputnik. Երեք երկրներում Հայաստանը ներկայացնող դեսպան Տիգրան Մկրտչյանը միանգամից եռակի անգամ հայրացել է: Այդ մասին նա գրել է իր ֆեյբուքյան էջում:
«Սիրելի՛ բարեկամներ, ուրախությամբ պետք է հայտնենք, որ ուղիղ 40 օր առաջ՝ հունիսի 28-ին, Աստծո կամքով Երևանում լույս աշխարհ եկան մեր եռյակ զավակները՝ Աննան, Արմենն ու Ալեքսանդրը: Օգոստոսի 1-ի դրությամբ Աննան կշռում էր 2940 գր, Արմենը՝ 2870 գր, իսկ Ալեքսանդրը՝ 3100 գրամ: Այս հրաշք իրադարձությունը լիովին փոխել է մեր կյանքի ռիթմը, բազմապատկել մեր երջանկությունը: Մաղթում ենք երջանկություն և բարի բախտ բոլոր ընտանիքներին»:
Լիտվայում, Լատվիայում և Էստոնիայում Տիգրան Մկրտչյանը դեսպան է նշանակվել ՀՀ նախագահ Սերժ Սարգսյանի հրամանագրով, նստավայրը՝ Վիլնյուս:
