ԵՐԵՎԱՆ, 8 օգոստոսի — Sputnik. ՈւԵՖԱ-ի Սուպերգավաթի «Ռեալ»-«Մանչեսթեր Յունայթեդ» հանդիպումից առաջ Չեմպիոնների լիգայի «Թվիթերի» պաշտոնական էջը Հայաստանի հավաքականի ավագ և ՄՅՈւ-ի կիսապաշտպան Հենրիխ Մխիթարյանի մասնակցությամբ տեսանյութ է հրապարակել:
🎶 He's our midfield Armenian 🎶#SuperCup @ManUtd @HenrikhMkh pic.twitter.com/5gI0FIrjog
— Champions League (@ChampionsLeague) 8 августа 2017 г.
Հենրիխ Մխիթարյանը խոսում է անգլիական թիմի երկրպագուների` իրեն ուղղված հայտնի երգի մասին.
«Շատ ուրախ եմ և շնորհակալ, որ «Մանչեսթերի» երկրպագուներն ինձ նվիրված երգ ունեն: Հույս ունեմ` ես նրանց չեմ հիասթափեցնի: Կփորձեմ էլ ավելի լավ խաղալ, որպեսզի նրանք ավելի շատ երգեր կարողանան իմ մասին գրել»,- հայերեն ասել է Մխիթարյանը:
Հիշեցնենք` «Ռեալ»-«Մանչեսթեր Յունայթեդ» հանդիպումը տեղի կունենա այսօր` օգոստոսի 8-ին, Սկոպյեի «Ֆիլիպ II» մարզադաշտում և կմեկնարկի Երևանի ժամանակով ժամը 22:45-ին:
