«Ցորենի ալյուրի հարստացման մասին» ՀՀ օրենքի տխրահռչակ նախագիծը վերադառնում է։ Տարածված լուրերի համաձայն՝ այն առաջիկայում դարձյալ կհայտնվի կառավարության նիստի օրակարգում։
ԵՊՏՀ դոցենտ, կենսաբան Վարդուհի Մելիքյանը վստահ չէ, որ մեկ անգամ շրջանառությունից հանված նախագիծը դարձյալ շրջանառության մեջ կդրվի, բայց վստահ է, որ Հայաստանը պետք է հրաժարվի ալյուրի հարստացման մտքից։
Կենսաբան համոզմամբ՝ ցորենի ալյուրի հարստացման նախաձեռնությունն ուղիղ կապ ունի տարածաշրջանում ընթացող գլոբալիզացիոն պրոցեսների հետ։
«Սա բիզնես է, և մենք պետք է պահպանենք մեր ազգայինը»,– ասում է Մելիքյանը` հիշեցնելով, որ նախագիծը դեռ թղթի վրա էր, բայց միջազգային կառույցներն արդեն հայտարարում էին, որ պատրաստ են ֆինանսավորել այն։
2016 թվականի սեպտեմբերի 6-ին ՀՀ առողջապահության նախարարությունը մշակեց «Ցորենի ալյուրի հարստացման մասին» ՀՀ օրենքի նախագիծը, որը երկու ամիս անց, բուռն քննարկումների արդյունքում, Ազգային ժողովում դուրս բերվեց շրջանառությունից:
