ԵՐԵՎԱՆ, 7 օգոստոսի — Sputnik. Ֆինլանդիայի Տամպերե քաղաքում երեկ երեկոյան ավարտվեց հունահռոմեական ըմբշամարտի աշխարհի երիտասարդական առաջնությունը։
Հայաստանի ազգային օլիմպիական կոմիտեն հայտնում է, որ 66 կգ քաշային Մալխաս Ամոյանը չեմպիոնության համար գոտեմարտեց իրանցի Ամին Յավար Կավիյանինեժադի հետ եւ հավասար պայքարում զիջեց մրցակցին՝ արժանանալով արծաթե մեդալի:
Բրոնզե մեդալի համար պայքարում 55 կգ քաշային Տիգրան Մինասյանը նույնպես միավորների հավասարությամբ պարտվեց Ռուսաստանի ներկայացուցիչ Էմին Սևերշաևին:
Գերծանր քաշային Դավիթ Օվասապյանն էլ պայքարից դուրս մնաց քառորդ եզրափակչից:
