ԵՐԵՎԱՆ, 6 օգոստոսի — Sputnik. Ապրիլյան պատերազմի մասնակից 13 զինվոր, որոնք արդեն զորացրվել են, Սևանի ափի կիսակառույցում այսօր իրենց ուժերն էին չափում փեյնթբոլի մրցաշարում: Իսկ նրանց մրցակից թիմը կազմված էր քառօրյա պատերազմը լուսաբանած լրագրողներից ու օպերատորներից:
Sputnik Արմենիայի հետ զրույցում խաղին մասնակից ՀՀ ՊՆ մամուլի խոսնակ Արծրուն Հովհաննիսյանն ասաց, որ տղաներն ինչպես մարտի դաշտում, այնպես էլ փեյնթբոլի մրցաշարում անկոտրում էին: Այնուհանդերձ խաղն ավարտվել է ոչ ոքի՝ 2:2: Ապրիլյան պատերազմից պարգևներով վերադարձած զինվորները «հաշտության պայմանգիր» են կնքել ԶԼՄ ներկայացուցիչնեի հետ:
Նախաձեռնության հեղինակը Մեդիամաքս գործակալության գլխավոր խմբագիր Դավիթ Ալավերդյանն է:
