ԵՐԵՎԱՆ, 6 օգոստոսի — Sputnik, Դավիթ Գալստյան. Հայաստանի քրեակատարողական հիմնարկներում իրենց պատիժը կրող օտարերկրյա քաղաքացիների մեջ շատ են Վրաստանի, Ռուսաստանի և Իրանի քաղաքացիները, Sputnik Արմենիայի հետ զրույցում ասացին ՀՀ արդարադատության նախարարություն քրեակատարողական հիմնարկից։
Ներկայումս ՀՀ արդարադատության նախարարության քրեակատարողական հիմնարկներում իր պատիժը կրում է 2512 դատապարտյալ, նրանցից 79-ը այլ երկրների քաղաքացիններ են։ Ըստ բանտարկյալների թվի՝ «առաջատար են» Վրաստանի քաղաքացիները՝ 22 մարդ, Ռուսաստանից՝ 16-ը և Իրանից՝ 10-ը։
Դատապարտյալ օտարերկրյա քաղաքացինների շարքերում կան նաև Ուկրաինայի, Ուզբեկստանի, Տաջիկստանի, Պակիստանի, Աֆղանստանի, Սիրիայի, Թուրքիայի, Լիբանանի, Վենեսուելայի, Ռումինիայի, Լեհաստանի, Իտալիայի, Ֆրանսիայի, Չինաստանի, Արգենտինայի, Պերույի, Նիգերիայի, Կոնգոյի, ԱՄՆ-ի, Դոմինիկյան Հանրապետության և Բանգլադեշի քաղաքացիններ:
Օտարերկրացինները դատապարտված են հիմնականում թմրանյութերի պատրաստման, դրանց ապօրինի տեղափոխման, կողոպուտի, գողության, խարդախության համար։
Բացի դրանից, նրանց դատապարտման պատճառ են հանդիսացել նաև առողջությանը դիտավորյալ վնաս պատճառելը, սահմանն ապօրինաբար հատելը և սպանությունները:
