ԵՐԵՎԱՆ, 5 օգոստոսի — Sputnik. Արևելագետ Ահարոն Վարդանյանը ֆեյսբուքյան էջում գրել է, որ երկու երկրների հարաբերությունների վերաբերյալ իրանական կողմի արձագանքը շատ ջերմ է։
«ՀՀ նախագահ Սերժ Սարգսյանի այցը Թեհրան՝ ԻԻՀ նախագահ Հասան Ռուհանիի երդմնակալություն պաշտոնական արարողության շրջանակում, սպասվող հանդիպումները, քննարկումները և այդ ամենից բխող հայ-իրանական հարաբերություններում ակնկալվող փոփոխությունները Իրանում բնորոշել են «լուսավոր հեռանկար ունեցող»»,- գրել է Ահարոն Վարդանյանը։
ՀՀ նախագահը վերջերս հարցազրույց էր տվել իրանական լրատվամիջոցներին, որի ժամանակ կարևորել էր հայ-իրանական հարաբերությունները, խոսել տնտեսական ու մշակութային ծրագրերի, երկու երկրների համատեղ առաջընթացի մասին։
