Թե ինչ կտա նոր փոփոխությունն Ամերիկա ձգտող միգրանտներին, ինչ դժվարությունների առաջ կկանգնեցնի նրանց Sputnik Արմենիայի եթերում մեկնաբանել է քաղաքագետ Սուրեն Սարգսյանը։
«Նա դեռ վաղուց էր հայտարարել, որ պետք է վերանայել Միացյալ Նահանգների էմիգրացիոն քաղաքականությունը, քանի որ միգրանտները, որոնք գալիս էին Նահանգներ, աշխատանքային մրցակցություն էին ստեղծում նահանգների բնակիչների կամ ավելի վաղ մեկնած միգրանտների միջև: Գրին քարտը, որպես խաղարկություն, կփոխվի ամբողջապես կամ որպես միգրացիոն գործիք ընդհանրապես կվերանա: Եթե այս օրինագիծն ընդունվի, կտարածվի 100 հազարավոր մարդկանց վրա, որոնք այս քարտի օգնությամբ հաստատվում էին միացյալ նահանգներում: Տարեկան 50 հազար քվոտա կար գրին քարտի վրա»-, ասում է քաղաքագետը:
Սուրեն Սարգսյանը նշում է, որ եթե նախկինում ԱՄՆ գրին քարտ էին կարողանում ձեռք բերել բոլորը՝ անկախ կրթական ցենզից և մասնագիտությունից, ապա հիմա միայն որակյալ մասնագետներն ու հատուկ ունակություններով օժտվածները կարող են մեկնել։ Այսինքն՝ ուղեղների արտահոսքի ևս մեկ ուղղություն կունենանք։
