ԵՐԵՎԱՆ, 4 օգոստոսի — Sputnik. Տավուշի մարզի մի քանի գյուղերի բնակիչները դուրս էին եկել բողոքի ակցիայի` պահանջելով թույլ տալ իրենց օգտագործել անտառը։ Նրանք ուզում են անտառից վառելափայտ հավաքեն։ Գյուղացիները փակել էին ճանապարհն ու պահանջում էին հանդիպում վարչապետ Կարեն Կարապետյանի հետ։
Ինչպես Sputnik Արմենիայի հետ զրույցում ասաց տեղաբնակներից մեկը` նման ակցիաներ տեղի են ունենում ամեն տարի։ Տարածքի բնակիչները բեռնատարերով` ԶԻԼ, ԳԱԶել, փայտ են դուրս հանում անտառում և վաճառում երկրի այլ մարզերում և քաղաքներում` Երևանում, Արտաշատում։ Անտառահատման լիցենզիա քչերն ունեն, հիմնականում, ամեն ինչ արվում է ապօրինի։ Չնայած սրան`շատերի համար ծառը որպես վառելափայտ վաճառելը եկամտի միակ աղբյուրն է։ Շատերը գոյատևում են միայն փայտ վաճառելու շնորհիվ։
Անցած տարի, գյուղացիների խոսքով, ոստիկանությունը խուզարկություն իրականացրեց և ձերբակալեց ապօրինի գործող գրեթե բոլոր մարդկանց և ազատ արձակեց տուգանք վճարելուց հետո միայն։
Խցանումի պատճառ դարձած բողոքի ակցիայի անցկացման վայր են ժամանել տեղական իշխանությունների ներկայացուցիչները, այդ թվում` համայնքի ղեկավարը (Դիլիջանից)։ Պաշտոնյաները խոստացել է քննարկել հարցն առաջիկա օրերին:
Դրանից հետո ճանապարհը բացվել է, գյուղացիները վերադարձել են իրենց տները։
