Երևան, օգոստոսի 3 — Sputnik. ԱՄՆ-ի նախագահ Դոնալդ Թրամփը Ռուսաստանի հետ հարաբերությունների վատթարացման համար մեղադրել է ամերիկացի օրենսդիրներին: Նա համապատասխան գրառում է թողել է Թվիթերի իր էջում:
«Ռուսաստանի հետ մեր հարաբերությունները գտնվում են աննախադեպ ցածր և վտանգավոր մակարդակի վրա: Կոնգրեսին շնորհակալություն հայտնեք՝ դրանք այն մարդիկ են, որոնք անգամ նորմալ բժշկական ապահովագրություն չեն կարողանում մեզ տալ»,- գրել է Թրամփը:
Our relationship with Russia is at an all-time & very dangerous low. You can thank Congress, the same people that can't even give us HCare!
— Donald J. Trump (@realDonaldTrump) 3 августа 2017 г.
Obamacare նախագիծը ընդունվել է 2010 թվականին՝ Բարակ Օբամայի վարչակազմի ժամանակ: Նա թույլատրել է ավելի քան 25 հազար նախկինում ապահովագրություն չունեցող քաղաքացիների ապահովել առողջապահական ծառայություններով, սակայն պետությունից սուբսիդիաներ չստացողների համար ապահովագրության արժեքը բարձրացավ:
Օգոստոսի 2-ին նախագահ Դոնալդ Թրամփը ստորագրեց Ռուսաստանի նկատմամբ պատժամիջոցների ընդլայնման մասին օրենքը, որն ավելի վաղ ձայների մեծամասնությամբ ընդունվել է Կոնգրեսի երկու պալատների կողմից: Նոր օրինագծով նախագահը կորցնում է հնարավորությունը՝ վերացնելու Ռուսաստանի նկատմամբ պատժամիջոցներն առանց Կոնգրեսի թույլտվության և սանկցիաններին օրենքի ուժ է տալիս, որոնք գործում են Բարակ Օբամայի հրամանագրերի հիման վրա:
