ԵՐԵՎԱՆ, 3 օգոստոսի — Sputnik. Հայաստանի արտաքին գործերի նախարարության նախաձեռնությամբ` Հուրգադայում վիրավորված հայ զբոսաշրջիկի ապաքինմանն աջակցելու նպատակով ՀՀ առողջապահության նախարարը Կահիրե է գործուղել պրոֆեսոր Ա. Հովհաննիսյանին: Այս մասին իր թվիթերյան էջում գրառում է կատարել ՀՀ ԱԳՆ մամուլի խոսնակ Տիգրան Բալայանը:
.@MFAofArmenia-ի նախաձեռնությամբ` հայ զբոսաշրջիկի ապաքինմանը աջակցելու նպատակով
— Tigran Balayan (@tbalayan) 3 августа 2017 г.
առողջապ.նախարար-ը Կահիրե է գործուղել պրոֆ. Ա.Հովհաննիսյանին
Հիշեցնենք, որ եգիպտական Հուրգադա քաղաքի հյուրանոցներից մեկում հուլիսի 14-ին անհայտ անձը մուտք է գործել զբոսաշրջային համալիր և սկսել անկանոն կերպով դանակով հարվածներ հասցնել մարդկանց: Գերմանիայի 2 քաղաքացի մահացել էր։
Հարձակման հետևանքով տուժել է նաև ՀՀ երկու քաղաքացի: Նրանք հատուկ չվերթով տեղափոխվել են Կահիրեի լավագույն հիվանդանոցը` առավել որակյալ բուժօգնություն ստանալու համար։
Ի դեպ, հանցագործը վնասազերծվել էր հայ զբոսաշրջիկի ջանքերով:
