ԵՐԵՎԱՆ, 3 օգոստոսի — Sputnik. Վլադիվոստոկի հոկեյի թիմը՝ «Ադմիրալը«, ներկայացրել է վեց նոր խաղացողների։ Այդ մասին հայտնում է թիմի պաշտոնական կայքը:
Նորեկների մեջ է Ռուսաստանի երիտասարդական հավաքականի հարձակվող Տիգրան Մանուկյանը:
«Եվս մեկ Օմսկի թիմի շրջանավարտ: Տիգրանը 20 տարեկան է, դաստակի խելահեղ նետում ունի: Մենք հավատում ենք, որ նա կդառնա իր երկրացի Սամվել Մնացյանի նման սիրված խաղացող»,- նշվում է թիմի կայքում:
2015-17 թ.թ. Մանուկյանը հանդես է եկել «Ավանգարդ – 97» թիմում, որի կազմում անցկացրել է 105 խաղ, նետել է 116 տափօղակ և կատարել 123 գոլային փոխանցում:
