Օդերևութաբաններն էլի նորմայից բարձր ջերմաստիճան են կանխատեսում, միայն թե՝ շոգ օրը վաղուց չի ավարտվում զով երեկոյով: Գոնե մայրաքաղաքում այնպիսի քամի է բարձրանում, որ երեկոները տնից դուրս գալ հնարավոր չէ: Անգամ կոտրվում են ծառի ճյուղեր, թիթեղներ են ընկնում տարիքներից: Բնապահպան Կարինե Դանիելյանի կարծիքով՝ Երկիր մոլորակը գլոբալ կլիմայական փոփոխություններով փորձում է դուրս մղել մարդուն:
Մարդը խախտել է բնության հավասարակշռությունը, և դա անպատասխան չէր կարող մնալ: Այն, ինչ նկատելի է Հայաստանում, դեռ չարյաց փոքրագույնն է: Էկոլոգիական խնդիրը կարգավորելու տարբերակներ, իհարկե, կան, բայց ժամանակ արդեն չկա, կարծում է բնապահպանը:
«Օրինակ, Հայաստանում բնապահպանության նախարարության ստատուսը գոնե պետք է բարձրացվի: Նախարարությունը Սևանից լրացուցիչ ջրառին դեմ էր, բայց կառավարությունն ընդունեց այդ որոշումը: Իսկ օլիգարխներն էլ թող լավ մտածեն անտառները կտրելուց ու տներ կառուցելուց առաջ. այդ տները սողանքավտանգ տարածքներում են կառուցվել»,- ասաց Դանիելյանը:
Ըստ նրա՝ պետությունները, այդ թվում՝ Հայաստանը, պետք է շտապեն:
