ԵՐԵՎԱՆ, 30 հուլիսի — Sputnik. Ուկրաինայի նախագահ Պյոտր Պորոշենկոն Ուկրաինայի մշակութային ժառանգությանն է վերագրել հայկական ծագումով ռուսական մշակույթի ներկայացուցիչ, ծովանկարիչ Հովհաննես Այվազովսկուն (1817-1900) ու նրա գործերը։ Համապատասխան գրառումը հայտնվել է նրա ֆեյսբուքյան էջում։
«Այս օրերին 200 տարի առաջ Թեոդոսիայում ծնվել է անվանի նկարիչ Իվան Այվազովսկին։ Հարգենք մեր ժառանգությունը», — գրել է Պորոշենկոն։
Պորոշնեկոյի խոսքերը շատերի մոտ շփոթություն են առաջացրել։ «Պորոշենկոյի մոտ խառնաշփոթ է, նա պատմության իմացության պակաս ունի։ Ահա Այվազովսուն էլ Ուկրաինայի ժառանգությանը վերագրեց։ Բայց Թեոդոսիան, ուր նա ծնվել է, բոլորովին այլ տեղում է», — թվիթերյան իր էջում գրել է Տեղեկատվական անվտանգության դաշնային խորհրի հանձնաժողովի նախագահ Ալեքսեյ Պուշկովը։
Թեոդոսիայի Այվազովսու անվան ազգային պատկերասրահի ավագ գիտաշխատող Օլգա Գուտմանը RT-ի հետ զրույցում մեկնաբանել է Պորոշենկոյի խոսքը։ Նա հիշեցրել է, որ ծովանկարիչը ծնվել ու մեծացել է Թեոդոսիայում, որն այն ժամանակ Ռուսական կայսրությանն էր պատկանում։ Բացի այդ, նա գեղանկարչական կրթություն է ստացել Սանկտ Պետերբուրգում։
