Հիմա (սեպտեմբերի 1-ից) ամերիկյան անձնագրերով դեսպանատան ու հյուպաոսարանի աշխատակիցների քանակը Ռուսաստանում կհասնի 455-ի և այսպիսով կհավասարվի Ամերիկայի Միացյալ Նահանգներում գտնվող ռուսական անձնագրերով դիվանագետներին թվին։
Այն դիվանագետներին, որոնք կշարունակեն աշխատել, օվկիանոսի երկու կողմերում այլ անախորժություններ էլ են սպասվում (արդեն օգոստոսի 1- ից)՝ գործածությունից հանվելու են հանգստյան բազաներն ու պահուստային տարածքները։
Պատասխան հարվածը, որը Սպիտակ տանը չէին կարող կանխատեսել, ուղեկցվեց ամերիկյան կողմի տարօրինակ հայտարարությամբ, որից հետևում է, որ Մոսկվայի այս քայլերին ի պատասխան Վաշինգտոնը պատասխան գործողություններ է կձեռնարկելու։ Սա մի կողմից։
Մյուս կողմից։ Սպիտակ տունը նույնպես պետք է պատրաստ լինի իր սկսած հակամարտության հաջորդ շրջապտույտին։ Արդեն Ռուսաստանի կողմից։ Լավ կլիներ, որ սա միայն կենցաղային մակարդակով լիներ։
Տարօրինակ կերպով զարգացող հարաբերությունների ֆոնին այս օրերին ոչ պակաս տարօրինակ հնչեց ԱՄՆ խաղաղօվկիանոսյան նավատորմի հրամանատար Սքոթ Սվիֆթի հայտարարությունը։
«ԱՄՆ ռազմածովային ուժերը պատրաստ են հրթիռային միջուկային հարված հասցնել Չինաստանի տարածքին, եթե Սպիտակ տան ղեկավար Դոնալդ Թրամփից հրաման լինի», — ասաց բարձրաստիճան ռազմածովային պաշտոնյան՝ շեշտելով այն միտքը, որ հրամանը կկատարվի, քանի որ ԱՄՆ-ում յուրաքանչյուր զինվորական երդում է տվել ենթարկվել գլխավոր հրամանատարի հրամանների»։ Ոչ ոք չէր էլ կասկածում։
Իսկ մինչ այդ ամերիկյան հրամանատարի ահեղ հայտարարության տողերի արանքում կարելի է կարդալ՝հարկ եղած դեպքում հարվածը կարող է հասցվել ոչ միայն Չինաստանին։ Էլ ու՞մ։ Գուշակեք ինքներդ։
Դեռ դժվար է ասել՝ ինչպես սրան կարձագանքի աշխարհը, բայց աշխարհի այն մասը, որը Եվրոպա է կոչվում ու կապված է Ամերիկայի հետ ռազմատնտեսական շղթաներով, հաստատ չի հակաճառի, համենայնդեպս, ամերիկյան քաղաքականության ընթացիկ շրջանի բավականին տարօրինակ փուլում։ Ասում են՝ «Ոչխարների համար անիմաստ է բուսակերության մասին բանաձևն ընդունելը, եթե գայլերն այլ կարծիքի են»։
Ճիշտ են ասում․․․
