Շաբաթվա մարդիկ. Stairway to heaven

Գևորգ Պողոսյան

Ավարտել է Հայ-Ռուսական (Սլավոնական) համալսարանի հոգեբանության ֆակուլտետը: Այժմ «Հեմինգուեյ» փաբի սեփականատերն է:

-Երբ փոքր էի, երազում էի շեֆ խոհարար լինել իմ սեփական փոքրիկ ռեստորանչիկում, արդյունքում դարձել եմ բարմեն իմ փոքր փաբիկում:

Ապագայում ցանկոնում է «Ֆորբս»-ի 168-րդ տեղում լինել և իր մասին հոդված ունենալ Վիկիպեդիայում, որը գրված կլինի ոչ իր կողմից:

Լիլիթ Բաչաչյան (Բաչաչ)

Մասնագիտությամբ գեղանկարիչ է: Ավարտել է Հայաստանի Պետական Մանկավարժական Համալսարանի գեղարվեստի ֆակուլտետը: Այժմ աշխատում է Մատենադարանում. վերականգնում է հին ձեռագրերն ու գրքերը:

-Փոքր հասակում երազում էի բալետի պարուհի լինել:

Ապագայում ցանկանում է հանրահայտ լինել իր գեղանկարներով ու շարունակել հին ձեռագրեր վերականգնելը:

Փողոցի երաժիշտը

Ու նորից դրսում նվագող երաժիշտների մասին:Միայն կարող եմ ասել, որ երբ մտնում էի մետրո, հեռվից լսեցի, որ ինչ-որ մեկը երգում է Led Zeppelin-ի «Stairway to heaven» երգը, ու ստացվեց հենց այս նկարը:

Մանե Ունգեր-Ամիրջանյան

Մասնագիտությամբ լրագրող է: 2013 թվականին ավարտել է Հայ-Ռուսական (Սլավոնական) համալսարանի Ժուռնալիստիկայի ֆակուլտետի մագիստրատուրան, աշխատել է տարբեր լրատվամիջոցներում: Շուրջ 3 տարի է ապրում է Գերմանիայում և աշխատում դպրոցում որպես ինտեգրացիոն ասիստենտ` օգնում է հաշմանդամություն ունեցող երեխաներին ինտեգրվել հանրակրթական դպրոցին:

-Փոքրուց երազել եմ դառնալ ամեն ինչ, բացի բժիշկից` սարսափում էի անատոմիկում պրակտիկայի մտքից:

Ապագայում երազում է զբաղվել միջազգային կրթական ծրագրերով, մասնավորապես, ներառական կրթության զարգացմամբ: Շատ է ցանկանում այս ոլորտի Գերմանիայի փորձը կիրառել Հայաստանում:

Դավիթ Մուրադյան

2009 թ-ին ավարտել է Լոնդոնի Եվրոպական բիզնես դպրոցը՝ բիզնես տնտեսագետ է: Հայաստանում զբաղվում է տարբեր շոու ծրագրերի և համերգների կազմակերպմամբ, իսկ արտերկրում հիմնականում ծառայություններ է մատուցում բանկային սեկտորին:

-Երբ փոքր էի, երազում էի փրկարար դառնալու մասին:

Ապագայում ցանկանում է ժամանակակից տեխնոլոգիաների միջոցով ավելի հեշատացնել մարդկանց կյանքը:

Արևիկ Առաքելյան

Մասնագիտությամբ արևելագետ է: Մեկ տարի է հիմնադրել է Artuyt ըկերությունը, որի նպատակն է կիրառական արվեստի միջոցով ճանաչելի դարձնել հայ ժամանակակից արվեստը ոչ միայն Հայաստանում այլև ամբողջ աշխարհում:

- Մանկուց միշտ երազել եմ մասնագիտական կյանքս կապել արվեստի և նորաձևության հետ

Ապագայում ցանկանում է աշխարհով մեկ զարգացնել և ճանաչելի դարձնել Artuyt բրենդ-ը:

Սիմոն Թոբիաս Ունգեր-Ամիրջանյան

Ուսանել է Ֆրանկֆուրտի օդանավակայանի հրշեջ ծառայությունում: Մասնագիտությամբ հրշեջ, պարամեդիկ է: Ունի խմբի հրամատարի կոչում (Oberbrandmeister):

-Մանկությանս երազանքը կատարվել է՝ դարձել եմ հրշեջ, փրկարար:

Ապագայում ցանկանում է Հայաստանում իր տունն ունենալ և ամենաուշը 50 տարեկանում տեղափոխվել այստեղ ապրելու: Սակայն լավ առաջարկի դեպքում, առանց վարանելու, միանգամից Հայաստան կտեղափոխվի: