ԵՐԵՎԱՆ, 28 հուլիսի–Sputnik. Շենքի երկրորդ հարկի պատշգամբից ընկած 2–ամյա փոքրիկի վիճակը շարունակում է մնալ ծանր։ Այս մասին տեղեկացրեց «Սուրբ Աստվածամայր» բժշկական կենտրոնի վերակենդանացման բաժանմունքի ղեկավար Աննա Չոբանյանը։ Երեխայի մոտ ախտորոշել են պոլիտրավմա։
«Փոքրիկն ունի գանգուղեղային վնասվածք, ձեռքի և ոտքի կոտրվածք։ Առայժմ վատացում չունենք։ Շարունակվում է բուժումը։ Երեխան ունի վիրահատության կարիք։ Մի մասն արվում է այսօր, մի մասն էլ կկատարվի մոտակա օրերին»,–ասաց Աննա Չոբանյանը։
Ոստիկանության հաղորդած տեղեկություններով` տատիկը երեխային ձեռքերով օրորելու ժամանակ անզգուշաբար գցել է պատշգամբից։
