ԵՐԵՎԱՆ, 28 հուլիսի — Sputnik. «Բիզնես դպրոցի կազմակերպումը Հայաստանում աննախադեպ երևույթ է: Գաղափարի հեղինակները նպատակ ունեն ձևավորել հարթակ որակյալ բիզնես կրթություն ստանալու, ինչպես նաև նոր բիզնես ծրագրերի իրականացման ֆինանսական ու խորհրդատվական աջակցության համար: Բիզնես դպրոցի նպատակն է Հայաստանում ձևավորել զարգացած բիզնես միջավայր և գործող բիզնեսների համար պատրաստել որակյալ ու փորձառու մասնագետների»,- մանրամասնեց Ծովինար Սարգսյանը:
Ըստ նրա՝ «Marketers Community | The First Business School In Armenian»- ծրագիրն իրականացվելու է «ԵՄ Բիզնես դպրոցի»-ի հետ համագործակցության պայմաններում, ինչի շնորհիվ ամբողջ ուումնական կուրսը ներառում է բոլորովին նոր և պրակտիկ մոտեցումներ:
«Վեց ամսվա ուսումնառության ընթացքում Բիզնես դպրոցի ուսանողներն աշխատելու են տարբեր բիզնես գաղափարների շուրջ և դասընթացի ավարտին «Դարձրու գաղափարդ իրական բիզնես» ծրագրի շրջանակներում լավագույն գաղափարը ֆինանսավորվելու է դպրոցի միջոցներով:
Բիզնես դպրոցում դասավանդելու են հայաստանյան և արտասահմանյան հաջողակ` ավելի քան 50 ընկերությունների լավագույն գործարարները, ովքեր ողջ կուրսի ընթացքում ուսանողների հետ կկիսվեն իրենց գործնական գիտելիքներով եվ փորձով»,-նշեց Ծովինար Սարգսյանը:
