ԵՐԵՎԱՆ, 28 հուլիսի — Sputnik. Բելառուս սահմանապահները ձերբակալել են 48-ամյա ՀՀ քաղաքացու սահմանն ապօրինի հատելու փորձի ժամանակ, հայտնում է Gp.by–ը։
Հայաստանի քաղաքացին ցանկացել է հատել սահմանը դժվարանցանելի տեղանքում` «Նովայա Գուտա» սահմանային հսկիչ անցակետի շրջանում։
Ավելի վաղ նա էլի է փորձել խախտել սահմանը, որի հետևանքով ժամանակավորապես նրան արգելել էին մուտք գործել Բելառուսի տարածք։
Տղամարդուն հայտնաբերել են 20 րոպեի ընթացքում։ Նրան տուգանք է սպառնում։
