ԵՐԵՎԱՆ, 27 հուլիսի–Sputnik. Էջմիածնում չգործող հինգհարկանի հյուրանոցի տանիքից ցած նետված 15–ամյա աղջկան շտապ տեղափոխել են «Սուրբ Աստվածամայր» բժշկական կենտրոն։
«Աղջիկը hետազոտման փուլում է, հետո կտեսնենք, թե ինչ ծավալի բուժում պետք է իրականացնենք, ինչ վիրահատական միջամտություն անենք։ Զուգակցված տրավմաներ կան, ոտքերի, կոնքի կոտրվածք, պետք է պարզենք` ներքին օրգանների վանսում եղե՞լ է, թե՞ ոչ»,– Sputnik Արմենիայի հետ զրույցում ասաց Դալլաքյանը։
Տեղեկացնենք` ոստիկանությունն ահազանգ էր ստացել, որ Էջմիածնում չգործող հինգ հարկանի հյուրանոցի տանիքից քաղաքացին սպառնում է ցած նետվել։ Օպերատիվ խումբը մեկնել է դեպքի վայր։ Նկատելով, որ աղջիկը պատրաստվում է նետվել` մի քանի ոստիկան ձեռքերով շղթա են կազմել` կանխելու ինքնասպանության փորձը։
Հենց ոստիկանության աշխատակիցներն են աղջկան տեղափոխել տեղի բժշկական կենտրոն, այնտեղից էլ` Երևան։
