ԵՐԵՎԱՆ, 27 հուլիսի–Sputnik. Ադրբեջանին ձեռնտու է, որ վերահսկողական մեխանիզմներ չլինեն ու դրանից հետո հայտարարի, թե հայկական կողմը խախտում է հրադադարի ռեժիմը։ Այդ մասին կառավարության նիստից հետո ասաց Շավարշ Քոչարյանը։
«Հայտնի է, թե ով է բոլորից բարձր բղավում՝ բռնեք գողին. հենց գողը, և հենց գողին է ձեռնտու, որ որևէ հետաքննական մեխանիզմ չլինի, ավելին չեմ կարող ասել»,– ասաց Շավարշ Քոչարյանը։
Նրա խոսքով` այդպիսի պահվածքի դեպքում խոսել բանակցային գործընթացում առաջընթացի մասին, անիմաստ է։
Քոչարյանը հավելեց նաև, որ առաջարկություն եղել է համանախագահների կողմից Սարգսյան–Ալիև հանդիպման ուղղությամբ։ Երկու երկրների արտգործնախարարներն աշխատում են, բայց դեռ վերջնական որևէ պայմանավորվածություն և որոշում չկա։
