ԵՐԵՎԱՆ, 27 Հուլիս — Sputnik. Այսօր Ոստիկանությունում ահազանգ է ստացվել, որ Կոտայքի մարզի Աբովյան քաղաքում կրակոցներ են հնչել:
Այս լուրը Sputnik Արմենիայի թղթակցի հետ զրույցում հաստատեցին ՀՀ ոստիկանության հասարակայնության հետ կապի և լրատվության վարչությունից:
Ոստիկանությունից տեղեկացրեցին, որ կրակոցների մասին ահազանգել է Աբովյան քաղաքի 2-րդ միկրոշրջանի 29 շենքի բնակիչներից մեկը։ Նա նշել է, որ իր եղբոր բնակարանի պատերին և պատուհանին կրակոցի հետքեր կան։
Լրատվամիջոցների տեղեկություններով բնակարանը պատկանում է Աբովյանում հայտնի «Պալաչ» մականվամբ Արթուր Հարությունյանին, սակայն նա տևական ժամանակ է՝ նշված բնակարանում չի բնակվում ։
