ՀՀ Կենտրոնական բանկը հաստատել է ՀՀ 3-րդ սերնդի թղթադրամների թեմաները և դրանց էսքիզների որոշման նպատակով մրցույթ hայտարարել: Այսպիսով, 1000 դրամ անվանական արժեքով նոր սերնդի թղթադրամի վրա պատկերված կլինի Պարույր Սևակը, 2000 դրամանոցի վրա՝ Տիգրան Պետրոսյանը, 5000 դրամանոցի վրա՝ Վիլյամ Սարոյանը, 10 000 դրամանոցի վրա՝ Կոմիտասը, 20 000 դրամանոցի վրա՝ Հովհաննես Այվազովսկին, իսկ 50 000 դրամանոցի վրա՝ Սուրբ Գրիգոր Լուսավորիչը:
«Ենթատեքստ» հաղորդաշարի հյուրը ներկայացնում է մրցույթի անցկացման մանրամասներն ու հայկական դրամին սպասվող փոփոխությունները: Ինչով է բացատրվում նոր անվանական արժեքով թղթադրամի թողարկման անհրաժեշտությունն ու 3-րդ սերնդի դրամների սիմվոլների փոփոխությունը. բոլոր դռդապատճառները՝ «Ենթատեքստում» են:
Հայկական դրամի վերաթողարկումը՝ արժույթի փոփոխություն չէ: ԿԲ –ն ընդամենը թողարկում է 3-րդ սերնդի կոմպոզիտային թղթադրամներ: Դրանք ունեն պաշտպանական շատ ավելի բարձր հատկանիշներ և այժմ էլ կիրառվում են աշխարհի մի շարք երկրներում՝ Կանադայում, Դանիայում, Շվեդիայում և այլն: Կոմպոզիտային թղթադրամներն ավելի երկարակյաց ու դիմացկուն են, ինչը ենթադրում է դրամաշրջանառության ծախսերի էական կրճատում: Միաժամանակ, դրանք որևէ դժվարություն չեն առաջացնի դրամապանակում ծավալի առումով, քանի որ ունենալու են նույն թղթադրամի հաստությունը: ԿԲ –ն վստահեցնում է նաև, որ կոմպոզիտային թղթադրամներով բանկոմատներից օգտվելիս ևս չեն առաջանա խնդիրներ:
«Ենթատեքստ» հաղորդումը կարող եք ունկնդրել նաև Sputnik Արմենիա ռադիոկայանի եթերում (FM 106.0):
Հաղորդաշարի հեղինակը Լուսինե Մկրտչյանն է։
