Թամարան այս դեպքը միշտ կհիշի, թեև ասում է, որ արդեն չի վախենում և իր փոքրիկ ձեռքերով նկարած բնապատկերն է ցույց տալիս։
Ռուբինյանց 1 հասցեում գտնվող 13-հարկանի բարձրահարկի բնակիչները ստիպված են ոտքով տուն բարձրանալ։ Նրանք արդեն սովորել են, որ վերելակը կարող է անսարք լինել, բայց այդպիսի դեպք դեռ չէր եղել։
Հռիփսիմեի տատին վեցերորդ հարկում է ապրում։ Նա հույս ուներ, որ տուն կհասնի կողքի մուտքի վերելակի միջոցով, սակայն այնտեղի վերելակն էլ չէր աշխատում։
Աղբ, առնետներ ու սարսափելի գարշահոտություն. սա աղբանոց չէ, սա տներից մեկի վերելակի հորանն է, որը գտնվում է Երևանի ծայրամասերից մեկում։
Վերելակի հորանը սկսել են մաքրել վաղ առավոտյան և կշարունակեն մինչ ուշ երեկո։ Բացի գարշահոտությունը, որը երկար տարիներ շարունակ հանգիստ չի թողնում բնակիչներին, այստեղ առնետներ և միջատներ կան։
Մենք կապվել ենք Երևանի քաղաքապետարանի հետ` պարզելու համար, թե ով է պատասխանատու հորաններում աղբի կուտակման, հակահիգենիկ վիճակի և անսարք վերելակների համար։
2016 թվականի հունվարից հուլիս ընկած ժամանակահատվածում վերելակներում արգելափակվածների թիվը կազմել է 234 մարդ, նրանցից 230-ը՝ Երևանում։
2017 թվականի հունվարից հուլիս ժամանակաշրջանում վերելակներում արգելափակվածների թիվը կազմել է 121 մարդ, նրանցից 107–ը՝ Երևանում։
«Տեխնիկական անվտանգության պետական կարգավորման մասին» օրենքում ասվում է, որ յուրաքանչյուր վտանգավոր օբյեկտ առնվազն տարին մեկ անգամ պետք է փորձաքննության ենթարկվի` տեխնիկական անվտանգությունը ստուգելու համար։ Եթե վերելակը չի ստուգվում` պատասխանատվությունը բնակիչներն են կրում։
Հին վերելակներն արդեն գրեթե ենթական չեն օգտագործման` հակառակ վերելակ նորոգողների և բնակիչների ջանքերին։ Որպեսզի ամեն մի մուտքում լինեն այսպիսի մաքուր ու գեղեցիկ խցիկներ՝ լավ մտածված պետական ծրագիր է անհրաժեշտ։ Իսկ դեռևս վերելակ մտնելու և ողջ մնալու երաշխիք ունեն միայն նորակառույցների բնակիչներն ու էլիտար բիզնես–կենտրոնների աշխատակիցները։
