ԵՐԵՎԱՆ, 25 հուլիսի — Sputnik. Երեկ երեկոյան տեղական ժամանակով ժամը 21:55-ին (Գրինվիչի ժամանակով` հուլիսի 24-ին 17:55-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցը գրանցել է հյուսիսային լայնության 39.690 և արևելյան երկայնության 45.390 աշխարհագրական կոորդինատներով (Հայաստան, Վայք քաղաքից 6 կմ արևմուտք), օջախի 10 կմ խորությամբ, 3.0 մագնիտուդով երկրաշարժ:
Ստորգետնյա ցնցման ուժգնությունն էպիկենտրոնում կազմել է 4 բալ, տեղեկացնում է արտակարգ իրավիճակների նախարարությունը:
Ըստ նախնական տվյալների՝ երկրաշարժը զգացվել է Վայոց Ձորի մարզի Եղեգիս, Արտաբույնք, Հորբատեղ գյուղերում և Եղեգնաձոր քաղաքում 2-3 բալ ուժգնությամբ:
