ԵՐԵՎԱՆ, 25 Հուլիս — Sputnik. Սարաևոյում մեկնարկած ազատ ոճի ըմբշամարտի Եվրոպայի պատանեկան առաջնության մեկնարկային օրը Հայաստանի հավաքականը մնաց առանց մեդալների, տեղեկացնում է Հայաստանի ազգային օլիմպիական կոմիտեն:
Երեկ մրցագորգ մտած չորս ըմբիշները՝ 42 կգ քաշային Ռաֆայել Հարությունյանը, 50 կգ՝ Գենիկ Ասատրյանը, 58 կգ՝ Մեժլում Մեժլումյանը եւ 69 կգ Դավիթ Գեւորգյանը տարբեր փուլերում պարտություն կրեցին ու դուրս մնացին մեդալների համար պայքարից:
Այսօր պայքարի մեջ ներգրավվելու են Առաքել Մովսեսյանը՝ 46 կգ քաշային կարգ, Տիգրան Ղազարյանը՝ 54 կգ, Դավիթ Հովհաննիսյանը՝ 63 կգ, Լյովա Գևորգյանը՝ 76 կգ և Մարտին Սիմոնյանը՝ 100 կգ:
