ԵՐԵՎԱՆ, 24 հուլիսի – Sputnik. Հայաստանի երիտասարդների հավաքականի ու Գյումրու «Շիրակի» ֆուտբոլիստ Վահան Բիչախչյանը պայմանագիր է ստորագրել Սլովակիայի չեմպիոն «Ժիլինայի» հետ։ Այդ մասին հայտնում է սլովակյան ակումբի պաշտոնական կայքը։
«Մինչ այստեղ գալս գիտեի, որ «Ժիլինան» ուժեղ թիմ է։ Անհամբեր սպասում եմ մեր գործակցության մեկնարկին։ Ինձ դուր է գալիս թիմի ընտանեկան մթնոլորտը։ Հավանում եմ ակումբի խաղաոճը։ Այստեղ ես կարող եմ աճել»,- ասել է 18-ամյա հայ ֆուտբոլիստը։
Բիչախչյանի պայմանագիրը, որին «նոր Մխիթարյան» են կնքել, հինգ տարի ժամկետով է։
