ԵՐԵՎԱՆ, 23 հուլիսի — Sputnik. Sputnik-ի արաբական խմբագրության թղթակից Սառա Նուրեդդինը գնդակոծության է ենթարկվել Մոսուլի արևմուտքում։ Լրագրողը վնասվածքներ չի ստացել, վիրավորվել նրան ուղեկցող իրաքցի զինծառայողը, հայտնում է Sputnik-ը։
«Հարձակվողը М16 տիպի հրացան էր կրում և գտնվում էր Մոսուլի հին թաղամասի Աթ-Թահիր դպրոցի տանիքում գտնվող անցք ունեցող փոքր սենյակներից մեկում՝ լրագրողից մեկ մետր հեռավորության վրա»,- պատմեց Նուրեդդինը։
Թղթակիցը պատմեց, որ գնդակոծության պահին նա նկարահանում էր ականազերծման գործընթացը Ալ Մայդան բնակելի թաղամասում, որը տեղակայված է Ան-Նուրի մզկիթի մերձակայքում։ Հանգամանքների բերումով, հինգ փամփուշտ դիպավ զինծառայողին, և ոչ մեկը՝ լրագրողին։
«Զինվորը փամփուշտներից հինգ վնասվածք ստացավ ոտքին, մեջքին և զրկվեց մատից։ Ես միայն քերծվածքներ ստացա և կապտուկներ ունեմ ողջ, մինչդեռ փորձում էի անվտանգ տեղ գտնել դպրոցի մոտ պատսպարվելու համար»,- ասաց Նուրեդդինը։
Նրա խոսքերից հետո գրոհայինը շարունակում էր կրակ արձակել, երբ տուժածները թաքնվեցին դպրոցի բակի հետնամասում այրված ավտոմեքենաների մեջ։ Նուրեդդինը կարծում է, որ հաշվի առնելով, թե ինչ թաքստոց է ընտրել թղթակցի և զինվորի վրա հարձակում գործած անձը, նա կարող էր դիպուկահար լինել։ Լրագրողին հաջողվեց կապ հաստատել Իրաքի հակաահաբեկչական ջոկատների մարտիկների հետ, և շուտով նրանք տեղափոխեցին նրանց դեպքի վայրից։
Նրանց զրահապատ ավտոմեքենայով հասցրեցին Ան-Նուրի մզկիթի հոսպիտալ, այնտեղ առաջին օգնություն ցուցաբերվեց։ Զինծառայողին տեղափոխեցին ամերիկյան հիվանդանոց, նրան վիրահատում են, այնուհետև կտեղափոխեն Բաղդադ՝ բուժվելու, հայտնում է Sputnik-ի թղթակիցը։
