ԵՐԵՎԱՆ, 23 հուլիսի — Sputnik. Իսպանիայում ավարտվել է «Սանտ Մարտի 2017» շախմատի միջազգային մրցաշարը, որն այս տարի անցկացվում էր 19-րդ անգամ, հայտնում է Հայաստանի շախմատային ֆեդերացիայի պաշտոնական կայքը:
Մրցաշարին մասնակցում էին 162 շախմատիստ, այդ թվում՝ 11 գրոսմայստեր:
8 միավորով մրցաշարի հաղթող է դարձել Պերուի ներկայացուցիչ Ֆերնանդես Ֆերնանդոն:
7.5 միավորով 2-րդ հորիզոնականը զբաղեցրել է Հայաստանի ներկայացուցիչ գրոսմայստեր Կարեն Գրիգորյանը:
7 միավորով լավագույն եռյակը եզրափակել է Կուանտաս Խայմե Ալեքսանդրը:
