Այն որ Հայաստանում հնդկական ֆիլմ է նկարահանվում, ուրախալի լուր է հնդկական կինոյի սիրահարների համար, սակայն եթե մի փոքր ավելի լայն նայենք, ապա կարձանագրենք, որ սա ևս մեկ հնարավորություն է աշխարհին ցույց տալու Հայաստանի տեսարժան վայրերը և, առհասարակ, խոսելու Հայաստանի մասին։ Հնդկական կինո արտադրությունն աշխարհում ամենազարգացածներից է՝ թե՛ արտադրման քանակի և թ՛ե տեխնիկական որակի առումով, իհարկե Հոլիվուդից հետո միայն։ Բոլիվուդը տարեկան ավելի քան 1000 կիոնախագիծ է իրականացնում և հաջողությամբ վաճառում աշխարհի տարբեր երկրներին։
«Հայաստան օտար երկրներից նկարահանումների ժամանած շատ այլ նկարահանող խմբեր ունեցել ենք,- փաստում է «Շարմ հոլդինգի» գլխավոր տնօրեն Կարեն Ղազարյանը,- սակայն Բոլիվուդի ուշադրությունը հրավիրել Հայաստանի վրա՝ կարևոր էր: Մենք երկար աշխատանք ենք տարել այս ուղղությամբ, և այս հարցում մեծ դերակատարում ունեցավ Հնդկաստանում Հայաստանի դեսպան Արմեն Մարտիրոսյանը։ Դժվար է առաջին անգամ պայմանավորվածություն ձեռք բերելը, կարծում եմ, ստեղծված աշխատանքային ջերմ մթնոլորտն ու մտերմությունը, կօգնեն շարունակական դարձնել համատեղ աշխատանքը»։
Ի՞նչն է գերել և Հայաստան բերել Բոլիվուդի աստղաբույլին. մանրամասները «Կաղապարից դուրս» Ամալյա Պապյանի հեղինակային հաղորդման շրջանակում:
