Եվրոպամետները համոզված են, որ ԵԱՏՄ-ի ու մասնավորապես Ռուսաստանի հետ հարաբերությունները խորացնելով՝ ավելի ենք մեծացրել Հայաստանի տնտեսական կախվածությունը այդ երկրից և դարձել ավելի խոցելի՝ Ռուսաստանից եկող բացասական ազդակների նկատմամբ: Եվրասիամետներն էլ պնդում են, որ ԵԱՏՄ-ին անդամակցելը Հայաստանի առջև լրջագույն հնարավորություններ է բացել՝ 200 միլիոն բնակչություն ունեցող շուկային մուտք ստանալու և Եվրոպայի ու ԵԱՏՄ-ի միջև տարանցիկ դեր ստանձնելու առումով։
Արդեն երկուսուկես տարի է` Հայաստանն անդամակցում է Եվրասիական տնտեսական միությանը։ Դժվար է միանշանակ պատասխանել հարցին, թե ինչ է տվել մեր երկրին ԵԱՏՄ անդամակցությունը: Փորձագետների գնահատմամբ, Հայաստանի տնտեսական վիճակի բարելավմանն ուղղված քայլը, ցավոք, համընկավ միջազգային տնտեսական գործընթացների հետ, որոնք բացասաբար ազդեցին երկրի տնտեսության վրա: Հանրության վերաբերմունքն առայժմ կարելի է «սպասողական» գնահատել: Թեև միևնույն ժամանակ շատերը պնդում են, թե չանդամակցելու պարագայում տնտեսության վիճակը շատ ավելի վատ կլիներ:
Sputnik Արմենիայի «Ենթատեքստ» հաղորդաշարի ընթացքում բանախոսները ներկայացնում են մի շարք առանցքային տնտեսական ցուցանիշներ. ինչ ունեինք մինչ ԵԱՏՄ-ին անդամակցությունը, ինչ ունենք հիմա և ինչ է կանխատեսվում այս տարի։
«Ենթատեքստ» հաղորդումը կարող եք ունկնդրել նաև Sputnik Արմենիա ռադիոկայանի եթերում (FM 106.0):
Հաղորդաշարի հեղինակը Լուսինե Մկրտչյանն է։
