ԵՐԵՎԱՆ, 20 հուլիսի – Sputnik. Հուրգադայի հյուրանոցներից մեկում հանգստացող ՀՀ քաղաքացիները` 2 կին, դեռևս գտնվում են բժիշկների հսկողության տակ։ Նրանցից մեկի վիճակը լավ է։ Այս մասին Sputnik Արմենիայի հետ զրույցում ասաց ՀՀ ԱԳՆ մամուլի խոսնակ Տիգրան Բալայանը։
«Միջին ծարության վնասվածքներ ստացած մյուս ՀՀ քաղաքացուն, բժիշկները դեռևս դուրս չեն գրում։ Մյուսի վիճակն ավելի լավ է, բայց նա էլ է դեռ շարունակում մնալ հիվանդանոցում, ընկերուհու մոտ»,–ասաց Բալայանը` հավելելով, որ նրանց հայրենիք վերադառնալու ժամկետները դեռ հայտնի չեն։
Հիշեցնենք, որ հուլիսի 14-ին Հուրգադայում չարագործը լողալով մոտեցել էր հյուրանոցին ու դանակով հարձակվել հանգստացողների վրա։ Հարձակման հետևանքով տուժել էին Հայաստանի Հանրապետության երկու, Չեխիայի և Ռուսաստանի մեկական քաղաքացիներ: Գերմանիայի 2 քաղաքացի դարձել էին հարձակման զոհ։Հանցագործին ձերբակալել են։ Որոշ տվյալներով` հարձակվողը հոգեկան խնդիրներ ունի։
