ԵՐԵՎԱՆ, 20 հուլիսի — Sputnik. Աջարիայի Քոբուլեթիի սևծովյան ափին փրկարարները ջրից երկու զբոսաշրջիկի են հանել, որոնք ուժեղ ալիքների պատճառով չէին կարողանում ափ դուրս գալ, հայտնում է Новости-Грузия–ն` հղում անելով Վրաստանի ներքին գործերի նախարարության Արտակարգ իրավիճակների կառավարման գործակալությունը։
Զբոսաշրջիկները, որոնց փրկարարները օգնություն են ցուցաբերել, հայեր են։
Ավելի վաղ Sputnik Գրուզիան հայտնել էր, որ հանգստացողները ջուրն էին մտել Թամարա Թագուհու փողոցի №54 շենքի մոտակայքում և չէին կարողացել դուրս գալ ջրից։ Ընդհանուր առմամբ, միայն հուլիսի 20-ին փրկարարները մոտ 100 մարդու են փրկել խեղդվելուց։
