ԵՐԵՎԱՆ, 19 հուլիսի — Sputnuk. Հուլիսի 19-ին, ժամը 13.30-ի սահմաններում ականի պայթյունի հետևանքով բեկորային վնասվածք է ստացել ՀՀ ԶՈՒ Արարատի գնդի զինծառայողներից մեկը։
Այս տեղեկությունը հաստատեցին ՀՀ քննչական ծառայությունից` հավելելով, որ այսօր, Ժամը 13.50-ի սահմաններում զինծառայողի վիրավորվելու մասին ահազանգ է ստացվել։
«Զինծառայողը մարտական երթուղուց շեղվել է և ստացել բեկորային վնասվածք ոտքի սրունքի շրջանում: Նրան տեղափոխել են հիվանդանոց, որտեղ այժմ բուժօգնություն է ստանում»,- ասաց մեր զրուցակիցը։
Դեպքի վայրում աշխատում է քննչական խումբը, քննություն է տարվում դեպքի հանգամանքները պարզելու համար։
