ԵՐԵՎԱՆ, 19 հուլիսի — Sputnik. Քննչական կոմիտեն 2017թ. հուլիսի 15-ին հաղորդում է ստացել քաղաքացուց, որը սոցիալական ցանցի միջոցով ծանոթացել է ոմն Միլենայի հետ, որը ներկայացել է որպես մարմնավաճառ և պայմանավորվածություն ձեռք բերել համապատասխան վարձատրության դիմաց սեռական հարաբերություն ունենալ, տեղեկացնում է քննչական կոմիտեի պաշտոնական կայքը:
Ըստ ձեռք բերված համաձայնության՝ երիտասարդը հուլիսի 15-ին՝ ժամը 21:00-ի սահմաններում, այցելել է Միլենայի մատնանշած՝ Երևանի Կենտրոն վարչական շրջանում գտնվող բնակարանը, որտեղ տեսել է կանացի հագուստով երկու անձի։ Հասկանալով, որ վերջիններս իրականում տղամարդիկ են՝ երիտասարդը փորձել է անմիջապես հեռանալ, սակայն բնակարանում գտնվող անձինք դանակի գործադրման սպառնալիքով նրանից հափշտակել են գումար, որից հետո միայն թույլ տվել հեռանալ։
Հաշվի առնելով, որ հաղորդումն առերևույթ պարունակում է հանցագործության հատկանիշներ՝ ՀՀ ՔԿ Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 175-րդ հոդվածի 2-րդ մասի 1-ին և 4-րդ կետերի հատկանիշներով: Ձեռնարկվում են անհրաժեշտ քննչական և դատավարական այլ գործողություններ՝ հաղորդման մեջ մատնանշված հանգամանքները պարզելու ուղղությամբ։
