ԵՐԵՎԱՆ, 17 հուլիսի — Sputnik. Շատերին է հուզում այն հարցը, թե ինչը կարող է ստիպել Հայաստանին, որ «Իսկանդեր» կիրառի: ՀՀ նախագահ Սերժ Սարգսյանն այս հարցին կարճ ու կոնկրետ պատասխան ունի:
«Անհրաժեշտության պարագայում»,- ասաց նա «Ռ-Էվոլյուցիա» հաղորդաշարին տված հարցազրույցում:
Հետո ավելացրեց՝ այդ հարցի պատասխանը ունենալու համար բազմաթիվ հատուկ ծառայություններ հսկայական ռեսուրներ են ծախսումնա: Ըստ նախագահի՝ նա, ով կարծում է, որ «Իսկանդերը» միայն բարոյական կամ հոգեբանական նշանակություն ունի, չի հասկանում ինչ է «Իսկանդերը»:
«Երբ դա հասկանա, կիմանա նաև՝ ինչպիսի կործանարար ուժ ունի այդ զենքը»,- ասաց երկրի ղեկավարը:
Նշենք, որ «Իսկանդերներն» առաջին անգամ Երևանում ցուցադրվել են սեպտեմբերի 21-ին, Հայաստանի Անկախության 25-ամյակին նվիրված զորահանդեսի ժամանակ։ Որոշ տվյալների համաձայն`«Իսկանդեր» համակարգերը ՀՀ ԶՈւ են բերվել ավելի վաղ և մարտական պատրաստության են բերվել ապրիլին, երբ Ղարաբաղում սրվել էր իրավիճակը։
Հարցազրույցներից մեկի ժամանակ ՀՀ նախագահը նշել էր, որ «Ւսկանդերի» ձեռքբերումը հարկադրված միջոց էր` մեր տարածաշրջանում ռազմական իրավիճակն ինչ-որ կերպ հավասարակշռելու համար:
