ԵՐԵՎԱՆ, 17 հուլիսի — Sputnik. Հուլիսի 17-ին կեսօրին օդանավը վայրէջք կատարեց «Զվարթնոց» օդանավակայանում, և ԲԱՏԷ ֆուտբոլային ակումբի ֆուտբոլիստներն ու մարզիչները ժամանեցին Երևան։ Այս մասին, հայտնում է բելառուսական թիմի մամուլի ծառայությունը։
«Հայաստանի մայրաքաղաքը հյուրերին դիմավորեց շոգ եղանակով` 33 աստիճան տաքությամբ։ ԲԱՏԷ–ականներն արագ ստացան ուղեբեռը, անցան անցակետն ու արագ տեղավորվեցին ավտոբուսում», – գրված է հաղորդագրության մեջ։
Հյուրանոց մեկնելու ճանապարհին նրանք հասցրին տեսնել «Մայր Հայաստանն» ու Կոնյակի գործարանը։
«Չեմպիոնների լիգայի որակավորման երկրորդ փուլի` Հայաստանի չեմպիոն «Ալաշկերտի» և Բելառուսի չեմպիոն ԲԱՏԷ-ի միջև պատասխան հանդիպումը տեղի կունենա հուլիսի 18-ին, ժամը 20.00–ին Վազգեն Սարգսյանի անվան հանրապետական մարզադաշտում։
