ԵՐԵՎԱՆ, 16 հուլիսի — Sputnik. Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամն այս գիշեր Լոնդոնի «Ուեմբլի» մարզադաշտում մենամարտ անցկացրեց բրիտանացի Քրիս Յուբենք կրտսերի հետ։
Մրցավարների միաձայն որոշմամբ մենամարտի հաղթող ճանաչվեց Քրիս Յուբենք կրտսերը։ Սա բրիտանացու 25-րդ հաղթանակն էր։
Սա Արթուր Աբրահամի 52-րդ մենամարտն էր պրոֆեսիոնալ ռինգում:
Այսպիսով, Քրիս Յուբենք կրտսերը պաշտպանեց չեմպիոնական գոտին։ Նա այս հաղթանակի շնորհիվ կկարողանա մասնակցել բռնցքամարտի համաշխարհային սուպերսերիային։
Նշենք, որ Աբրահամն իր նախորդ մենամարտն անցկացրել էր գարնանը՝ հաղթելով Ռոբին Կրասնիկիին:
