ԵՐԵՎԱՆ, 16 հուլիսի — Sputnik. Հուլիսի 13-ին Հաղթանակ թաղամասի աղբավայրում բռնկած հրդեհի շիջման աշխատանքները շարունակվել են նաև այսօր: Այս մասին հայտնում է ԱԻՆ մամուլի ծառայությունը
«Հուլիսի 16-ին, ժամը 15.00-ի դրությամբ հրդեհաշիջման աշխատանքներին մասնակցում են ինը մարտական հաշվարկ, քաղաքապետարանի կոմունալ բաժնի ութ ջրատար և Ճգնաժամային կառավարման ազգային կենտրոնի արագ արձագանքման խումբը»,- նշված է հաղորդագրության մեջ:
Նշենք, որ հուլիսի 13-ին ահազանգ ստանալուն պես դեպքի վայր էր մեկնել չորս մարտական հաշվարկ: Պարզվել էր, որ Սիլիկյան թաղամասի աղբանոցում (10 հա) այրվում է մոտ 6.5 հա (տարբեր տեղամասերով) կուտակված աղբ, որից 3.5 հա-ի տարածումը դեպի բնակելի հատված կանխվել էր:
