ԵՐԵՎԱՆ, 16 հուլիս — Sputnik. Հայ կիսապաշտպան Հենրիխ Մխիթարյանը անգլիական «Մանչեսթեր Յունայթեդին» օգնեց ընկերական խաղում խոշոր հաշվով հաղթել ամերիկյան «Լոս-Անջելես Գելեքսիին» ։
Նախօրեին Լոս Անջելեսում տեղի ունեցած հանդիպումն ավարտվեց 5:2 հաշվով՝ հօգուտ հյուրերի։ Մխիթարյանը գոլ խփեց 67-րդ րոպեին։
«Մանչեսէեր Յունայթեդի» կազմում կրկնակի գոլի հեղինակ դարձավ Մարկուս Ռաշֆորդը (2-րդ, 20-րդ րոպե), մեկական գոլ խփեցին Մարուան Ֆելաինին (26-րդ րոպե) և Անտոնի Մարսիալը (72-րդ րոպե):
«Գելեքսիից» աչքի ընկան Ջովանի դոս Սանտոսը (79-րդ րոպե) և Դեյվ Ռոմնին (88-րդ րոպե):
ԱՄՆ-ում շրջագայության շրջանակում հաջորդ ընկերական խաղը «Մանչեսթեր Յունայթեդը» կանցկացնի հուլիսի 17-ին «Ռեալ Սոլթ Լեյք»-ի հետ։
