ԵՐԵՎԱՆ, 15 հուլիսի — Sputnik. Եգիպտոսում ՀՀ դեսպան Արմեն Մելքոնյանը և Եգիպտոսի առողջապահության նախարարը Կահիրեի հիվանդանոցում այցելել են վիրավոր ՀՀ քաղաքացիներին: Այս մասին հայտնում է ՀՀ ԱԳՆ մամուլի քարտուղար Տիգրան Բալայանը:
Եգիպտոսի առողջապահության նախարարի գլխավորությամբ գումարվել է ՀՀ քաղաքացիներին բուժող բժիշկների կոնսիլիում։ https://t.co/5tjEn22xMn
— Tigran Balayan (@tbalayan) July 15, 2017
Նա տեղեկացնում է նաև, որ Եգիպտոսի առողջապահության նախարարի գլխավորությամբ գումարվել է ՀՀ քաղաքացիներին բուժող բժիշկների կոնսիլիում։
Նշենք, որ հուլիսի 14-ին Հուրգադայում չարագործը լողալով մոտեցել էր հյուրանոցին ու դանակով հարձակվել հանգստացողների վրա։ Հարձակման հետևանքով տուժել էին Հայաստանի Հանրապետության երկու, Չեխիայի և Ռուսաստանի մեկական քաղաքացիներ:
