ԵՐԵՎԱՆ, 15 հուլիսի — Sputnik. 40 տարեկանում մահացել է իրանցի հայտնի մաթեմատիկոս, մաթեմատիկայի ասպարեզում ամենահեղինակավոր Ֆիլդսյան մրցանակի դափնեկիր Մարիամ Միրզախանին: Այս մասին հայտնում է ՌԻԱ Նովոստին՝ հղում անելով Բի-Բի-Սի-ին:
Չորս տարի առաջ նրա մոտ քաղցկեղ էր հայտնաբերվել:
Մարիամ Միրզախանին Ֆիլդսյան մրցանակ էր ստացել 2014 թվականին: Այս մրցանակը, որը տրվում է մաթեմատիկայի ոլորտում ունեցած հաջողությունների համար, նույնացվում է Նոբելյան մրցանակի հետ:
Միրզախանին առաջին կինն է, որ արժանացել էր այդ մրցանակին:
