Արդեն մի քանի տարի է` զբոսաշրջությունը Հայաստանում հայտարարվել է տնտեսության առաջնահերթ ոլորտներից մեկը և ներկայում երկրի արտահանման բաժնում ներգնա զբոսաշրջությունը հանքահումքային արտադրանքի և մետաղների արտահանումից հետո երկրորդն է:Այդուհանդերձ, մասնագետների պնդմամբ` ոլորտն ունի զարգացման շատ ավելի մեծ ներուժ:
2016 թվականին Հայաստան է այցելել 68 հազարով շատ զբոսաշրջիկ, սակայն նախորդ տարվա համեմատ զբոսաշրջային այցելությունների թվի 5.7 տոկոս ավելացումն ամենևին էլ Հայաստանի զբոսաշրջային ներուժի գագաթնակետը չէ:Sputnik Արմենիայի «Ենթատեքստ» հաղորդաշարի հյուրն է՝ ՀՀ Տնտեսական զարգացման և ներդրումների նախարարության Զբոսաշրջության պետական կոմիտեի նախագահի առաջին տեղակալ Մեխակ Ապրեսյանը: Պաշտոնյայի խոսքով` հնարավոր ամեն բան արվում է զբոսաշրջիկների հոսքը դեպի Հայաստան խթանելու համար, և արդեն 2017 թվականի առաջին եռամսյակում 18.2 տոկոսով աճ ենք արձանագրել նախորդ տարվա նույն ժամանակահատվածի համեմատ:
«Ենթատեքստ» հաղորդումը կարող եք ունկնդրել նաև Sputnik Արմենիա ռադիոկայանի եթերում (FM 106.0):
Հաղորդաշարի հեղինակը Լուսինե Մկրտչյանն է։
