ԵՐԵՎԱՆ, 14 հուլիս — Sputnik. Եգիպտոսի Հուրգադա հանգստավայրում տուժած ՀՀ քաղաքացիների կյանքին վտանգ չի սպառնում։ Հանգստացողների վրա հարձակում գործած հանցագործը վնասազերծվել է մեր վիրավոր քաղաքացու օժանդակությամբ։ Այս մասին Թվիթերյան իր էջում գրել է ՀՀ ԱԳՆ մամուլի խոսնակ Տիգրան Բալայանը։
Հուրգադայում տուժած ՀՀ քաղաքացիների կյանքին վտանգ չի սպառնում։ Հանցագործը վնասազերծվել է մեր վիրավոր քաղաքացու օժանդակությամբ։ https://t.co/u8kY6AND7l
— Tigran Balayan (@tbalayan) 14 июля 2017 г.
Բալայանի տեղեկացմամբ`.@armembegypt-ը կապ է հաստատել Հուրգադայում տուժած ՀՀ քաղաքացիների հետ։ Նրանց կյանքին վտանգ չի սպառնում։ Ցուցաբերվում է բուժօգնություն։
Նախնական տվյալներով հարձակման պատճառով մահացած 2 անձիք Գերմանիայի քաղաքացիներ են։
Հիշեցնենք, որ այսօր Հուրգադայում չարագործը լողալով մոտեցել է հյուրանոցին ու դանակով հարձակվել հանգստացողների վրա։ Հարձակման արդյունքում տուժել է Հայաստանի Հանրապետության երկու քաղաքացի։
