ԵՐԵՎԱՆ, 13 հուլիսի — Sputnik. Ուկրաինայի Օդեսայի մարզի իրավապահ մարմինների աշխատակցները ծխախոտային արտադրանքի տեղափոխման ու պահման դեպք են բացահայտել։ Սիգարետների մեջ նաև Հայաստանում արտադրված ապրանք է եղել։ Այս մասին հայտնում է Odessa.net —ը` հղում անելով Օդեսայի մարզի պետական ֆիսկալային ծառայությանը։
«Պահեստային տարածքներում և բեռնատար ավտոմեքենաներում իրականացված խուզարկության ժամանակ հայտնաբերվել ու առգրավվել է ավելի քան 17 միլիոն գրիվենի (մոտավորապես 700 հազար դոլար) 840 հազար տուփ սիգարետ, որն արտադրված է Հայաստանում և Արաբական Միացյալ էմիրություններում»,- գրում է պարբերականը։
Ապրանքը համապատասխան փաստաթղթեր ու մակնշում չի ունեցել։ Քննչական միջոցառումները շարունակվում են։
